HF-ari buruzko argitalpena

Open publication - Free publishing - More heziketa

Wikipedian Gorputz Hezkuntzaren definizioa eta nire komentarioa

"Gorputz hezkuntza pertsona bakoitzaren gorputzaren ahalmenak eta ongizatea garatzeaz arduratzen den hezkuntzaren arloa da, besteak beste mugimendua, abilezia eta arintasuna lantzen dituena, pertsonaren osasuna, garapen psikologikoa eta gizarte-harremanak bultzatzeari begira, psikomotrizitatearen ikuspuntutik.
Historian zehar, gorputz hezkuntza gimnasia, soinketa edo bestelako ariketa fisikoak irakatsi eta eginaraztera mugatu bada ere, egun ikuspuntu zabalago batetik aztertu eta burutzen da; hala nola, osasunarekin loturik dauden irakaspenak transmititu edo talde baten baitan burututako jardueren bitartez pertsona gizarteratzen laguntzeko. Beste alde batetik, haur eta gazteei zuzendutako hezkuntza soilik: pertsona heldu eta bereziki agureen ongizatea sustatzeko jarduera ere bada."

Lehenengo paragrafoan agertzen dena nahiko objektiboa denez, bigarren paragrafoari buruz dudan iritzia emango dut.
Egia da azkenengo hamarkadetan HF-ak indar handia hartu duela, ariketa fisiko soilen gainean egotera pasatuz. Baina azkenengo urte hauetan, nire ustez, aurrerapausu horiek berriz geldotu dira, batzuetan atzerapausu bilakatuz. Gaur egun ikasgai berriak sartzen joan dira irakaskuntzan, baina, ez da hezkuntzarako denbora handitu. Nola da posible orduan ikasgai guzti horiek emateko denbora egotea? Oso erraza, HF-ko orduak murriztuz. Garrantzia kendu diote goian aipatzen den "osasuna", "gizarteratze", "ongizatea"... bezalako hitzei, alegia.

Heziketa fisikoko edukien bilatzailea

Google-ek bilatzaile berria atera du, heziketa fisikoari buruzko gaiak errazago topatzeko. Honen bidez, bilaketaren emaitzak murritzagoak izango dira, HF-ari erreferentzia soilik egiten diotenak, alegia.
http://googlefi.net/